O Celta cae diante do Oviedo nun mal partido (0-3) na semana do ser ou non ser en Europa
O equipo vigués tiña a opción de rematar a xornada de quinto, pero foi goleado polo pechacancelas
O xoves, os de Giráldez intentarán remontar a eliminatoria contra o Friburgo
Minuto a minuto
Ás 18:30h comeza o partido de Balaídos entre o Celta e o Oviedo. Este é o XI inicial de Claudio Giráldez para o encontro
𝑷𝒐𝒍𝒐 𝑹𝒆𝒂𝒍 𝑪𝒍𝒖𝒃 𝑪𝒆𝒍𝒕𝒂... 𝒙𝒐𝒈𝒂𝒓𝒂́𝒏... 🩵
— Celta (@RCCelta) April 12, 2026
#CeltaRealOviedo ⋄ #LALIGAEASPORTS pic.twitter.com/VWfdEgf65F
E este é o XI inicial do Oviedo
⚔️ Nuestro 1️⃣1️⃣ para el partido de hoy ante el @RCCelta ⚽️#CeltaRealOviedo #VamosOviedo 🔵⚪️#DíadePartido pic.twitter.com/oYUejqSqFc
— Real Oviedo (@RealOviedo) April 12, 2026
Comeza o partido en Balaídos: Celta 0-0 Oviedo
Primeiro remate do Celta, por parte de Antañón, que se estrea como titular na Liga, e saca Escandell a córner
E a segunda do Celta, desta volta cunha cabezada de Rueda que marcha moi cruzada
Gol do Oviedo. Adiántase o cadro carballón no seu primeiro achegamento, nunha xogada con envío lateral e coa defensa viguesa moi pouco contundente. Radu saca de xeito milagreiro, pero Reina engancha o rexeitam,ento e marca. Celta 0-1 Oviedo
E outra clara do Oviedo, nun man a man que salva Radu, aínda que había posición de fóra de xogo
Dobre ocasión clarísima do Celta!! Salva Escandell por dúas veces, primeiro un remate de Antañón, e despois de Fer López
Parada abaixo de Radu logo dun disparo lateral
O Celta domina neste treito final da primeira metade, pero non é quen de rematar con perigo
Gol do Oviedo. Balón desde a dereita, e Fede Viñas mete o pé adiantándose a un Aidoo moi pouco contundente. Celta 0-2 Oviedo
Descanso en Balaídos. O Celta permite dous goles do Oviedo e terá que remontar se quere asaltar o quinto posto
Comeza a segunda metade en Balaídos. Celta 0-2 Oviedo
Paradón de Radu, logo dunha falta lateral que remata a boca de xerro de Javi López. Salva o porteiro ao equipo do terceiro
Gol do Oviedo. Fede Viñas entra para rematar a pracer un centro desde a esquerda. Estaba en posición adiantada Dani Calvo, pero o árbitro valida a xogada. Celta 0-3 Oviedo
Balón en profundidade a Jutglá, que remata abaixo e para Escandell
Outro balón a Jutglá, que cae na área, pero o árbitro non indica penalti de Costas
E outra ocasión de Jutglá, cunha cabezada que saca Escandell con outro paradón
Final do partido en Balaídos. O Celta fixo un mal partido contra o pechacancelas, no medio dos dous partidos da súa eliminatoria de cuartos de final da Europa League contra o Friburgo. Agora toca centrarse en buscar a remonta o xoves
