Carvalhal e a repetición do penalti: "Nestas situacións, o VAR é nefasto"

Carlos Carvalhal estaba amolado pola acción que deu orixe ao gol do empate. Iván Villar paroulle o primeiro lanzamento de penalti a Stuani, pero Mateu Lahoz, a instancias do VAR, mandou repetir a xogada porque Unai Núñez entrara na área antes do lanzamento.

"Puxo medio pé na área, medio pé!!!", expresou Carvalhal ao final do partido. O técnico portugués quixo reflexionar sobre a entrada da videoarbitraxe en certas accións: "O VAR ten que estar para as grandes decisións e non ver cousas cunha lupa. Cunha lupa todos os córners son penalti. Para este tipo de situacións o VAR é nefasto".