Os recolectores de cogomelos falan dunha mala temporada

Nas empresas comercializadoras de cogomelos hai esta campaña menos movemento do habitual.
Sinalan que empezaron a mediados de setembro pero que non acaba de arrancar. Todos os días entra algo de produto, pero moi pouco, e que nace esporado. 

Os recolectores chegan a contagotas, traen poucas caixas e poucos quilos e é que sinalan que este ano está sendo moi malo e non hai cogomelos aos que botarlles a man.

Din que a escaseza de choiva dos últimos meses non axudou e que a isto se suman agora as xeadas. Sinalan que xa levan dúas campañas consecutivas malas pero que esta en concreto é horrible. As xeadas aféctanlle especialmente ao boletus, que é a reina dos cogomelos.

Malia que o ano pasado tamén foi regular, todos coinciden en que hai anos que non se daba unha campaña tan mala como a que está a sufrir desta volta.