Aumentan os osos no Pireneo catalán

O Pireneo catalán xa ten 41 exemplares de oso pardo.  A maioría son adultos, pero tamén hai cachorros. De feito, en 2023 naceron 16 crías nos Pireneos.

É unha das cifras máis elevadas desde que comezou a reintrodución deste animal no monte catalán. 

A Generalitat estuda aproveitar esta consolidación para impulsar un turismo de observación respectuosa. 

O Grupo de Seguimento do Oso tamén constatou que este ano hibernaron menos do habitual e tiveron máis actividade no inverno polas altas temperaturas e a pouca neve que houbo.