Aubameyang non perde o sorriso e marca o partido do Barcelona para o regreso

Pierre Aubameyang nunca perde o sorriso. O dianteiro do Deportivo foi nomeado como o mellor xogador do mes de setembro e colleu o trofeo no inicio da recuperación da súa lesión de menisco. O gabonés foi operado e marca un prazo de recuperación de sete a oito semanas co que podería regresar a última xornada do mes de novembro cando o Deportivo se enfronta ao seu ex equipo, o Fútbol Club Barcelona. 

Aubameyang estivo moi simpático asegurando que agora está a facer "o Tour de Francia" por todo o traballo que realiza de bicicleta para fortalecer a musculatura. Tamén queda pendente o xeito de celebrar os goles e ver se poderá "volver facer os pinchacarneiros". 

O que ten seguro o dianteiro é que o resto do equipo está preparado para xogar os partidos que veñen sen a súa presenza. Malia ser o referente ofensivo do Deportivo no comezo do campionato considera que hai outros compañeiros que o están a facer moi ben e puxo como exemplo a Nsongo que acaba de marcar coa selección de Camerún. 

A situación é nova para Aubameyang que en dúas décadas de carreira nunca tivera unha lesión de máis de dez días. "Agora teño un xeonllo novo", chanceou antes de rematar a súa comparecencia.