Atención de enfermería a domicilio para 2.200 doentes inmobilizados de Ourense
Son sete equipos formados por dous enfermeiros cada un que traballan en zonas rurais
Atenden persoas de mobilidade reducida e unha alta dependencia
Leticia e Nieves analizan os coidados que precisa a paciente que vai recibir atención esta tarde. Con todo listo, toca saír cara ao domicilio da doente.
Comprobar a tensión e o estado físico xeral é o principal cometido destas enfermeiras rurais, que, neste caso, abranguen toda a zona de Verín.
Son visitas periódicas a persoas que, como Lucía, apenas se poden valer.
E é que a información actualizada sobre os doentes é fundamental.
Este equipo de Verín atende 385 persoas cunha forte dependencia, a meirande parte delas por riba dos 90 anos, nos concellos do sueste de Galicia.
Este traballo require grandes desprazamentos e precisamente evita que os usuarios teñan que afrontar uns desprazamentos que serían mesmo perxudiciais para eles.
As familias tamén valoran contar con este servizo.
Na provincia de Ourense hai sete equipos de dúas persoas percorrendo principalmente as zonas coa poboación máis dispersa e envellecida.
