Ascende a 1.719 a cifra de mortos polo dobre terremoto en Venezuela
O número de feridos sobrepasa os 5.000, segundo o presidente do Parlamento
Galicia garda un minuto de silencio, especialmente emotivo en Marín, polas vítimas de Venezuela
A NASA estima que hai 59.000 edificios afectados polo sismo en Venezuela
A cifra de falecidos polo dobre terremoto ocorrido o pasado mércores en Venezuela ascende a 1.719 e a de feridos a 5.034, informou este luns o presidente do Parlamento venezolano, Jorge Rodríguez.
"A cifra de persoas que perderon a vida ascende a 1.719 e 5.034 persoas feridas", indicou Rodríguez no balance ofrecido a través da canle estatal Venezolana de Televisión (VTV), sen dar conta do número de desaparecidos.
Desde que ocorreron os terremotos de magnitude 7,2 e 7,5 rexistráronse 609 réplicas, incluída a deste luns que, segundo Rodríguez, foi de 4,2, aínda que o Servizo Xeolóxico dos Estados Unidos asegurou que foi de 4,6.
"Hoxe na mañá tivemos unha réplica que foi sentida pola poboación (...), xerou certa ansiedade na poboación, pero debemos dicir que non houbo ningunha afectación", apuntou.
Ata o momento, o Goberno rexistra 15.866 persoas damnificadas e 855 edificios afectados, dos cales "189 sufriron un colapso total".
O dobre terremoto do mércores é o máis letal que viviu Venezuela no último século. Cincuenta e nove anos antes, en xullo de 1967, produciuse nas proximidades de Caracas un sismo no que morreron 245 persoas, miles máis resultaron feridas e os danos materiais foron moi cuantiosos.
Os sismos de hai cinco días afectaron a Caracas e outros seis estados do norte do país. A rexión máis danada foi La Guaira, unha zona costeira que xa viviu unha traxedia por un deslave en 1999 que deixou miles de mortos.
O presidente do Parlamento dixo hoxe que en La Guaira habilitaron 15 "grandes refuxios" e outros "menos grandes" en escolas e que en Caracas hanse establecido 50 campamentos "provisorios".
O domingo, a presidenta encargada de Venezuela, Delcy Rodríguez, anunciou a creación inmediata dunha comisión para inspeccionar as vivendas afectadas polo dobre terremoto e estendeu por unha semana a suspensión de clases.
Os rescatistas internacionais e nacionais seguen no operativo de procura de sobreviventes entre os entullos, mentres algúns residentes de La Guaira denuncian o atraso na chegada da
A ONU estima que sete millóns de venezolanos resultaron damnificados polos sismos.
