As PCR do Celta confirman nove positivos por covid entre os seus xogadores

As probas PCR ás que se someteron nas últimas horas os xogadores e integrantes do corpo técnico do Celta de Vigo certificaron catro novos positivos entre o persoal, polo que xa son nove os futbolistas afectados pola covid-19.

Todos eles xa deran positivo na proba de antíxenos que lle facían onte na cidade deportiva Afouteza, coincidindo coa volta aos adestramentos tras as vacacións do Nadal.

Ademais, a entidade galega tamén detectou varios positivos entre os seus empregados.

Os xogadores que están á disposición de Eduardo 'o Chacho' Coudet foron citados este mércores, ás doce do mediodía para completar un novo adestramento na Cidade Deportiva de Mos.

No club confían en que a maior parte dos titulares que deron positivo poidan chegar ao partido do próximo domingo contra o Real Betis no sevillano Benito Villamarín.