As orixes de Dro Fernández, a perla do Barça, están no Val Miñor

Pedro Fernández, Dro comezou a xogar na escola do Val Miñor aos 3 anos. Primeiro en fútbol sala e despois en fútbol 8. Dende prebenxamín, categoría á que pertencen estas imaxes, xa atraía todas as olladas. Acabada a temporada infantil fichou polo Barcelona, con 14 anos. Decisión favorecida por irse co seu amigo e compañeiro Pedro Villar. A estrea goleadora co Barça de Flick tivo gran repercusión en toda España. Pedro Fernández Sarmiento, talento forxado en Galicia.