As exportacións de viño da Ribeira Sacra aumentaron un 30 % no que vai de ano
As exportacións de viño da Ribeira Sacra aumentaron un 30 % no que vai de ano
Comercializáronse no estranxeiro 280.000 litros
A diferenciación e a promoción son as claves da suba
No que vai de ano exportáronse máis de 280.000 litros de viño da Ribeira Sacra e a cifra aínda vai medrar de cara ao Nadal. Iso supón un 30 % máis que o que se vendeu o ano pasado.
Os Estados Unidos abranguen case o 50 % das compras destes viños, seguido de Noruega, Dinamarca e o Reino Unido.
E tamén se conseguiu entrar en mercados tan remotos como o os de Corea e Australia. A exportación ten unha compoñente económica pero, sobre todo, dá prestixio ás adegas.
Segundo os especialistas, o que máis se valora dos viños Ribeira Sacra no estranxeiro é o feito de seren viños do ano e frescos fronte aos tradicionais barricas que se asocian a outros viños de España.
E inflúe tamén a paisaxe á que están vencellados os viñedos do Sil e o Miño. A pandemia e a guerra non frearon a demanda e niso tamén foi decisivo o labor de promoción.
Malia a mellora na exportación, o mercado galego segue consumindo o 80 % dos viños da Ribeira Sacra.
