Amigable inservible para España, que cae diante de Colombia (0-1)
Os colombianos saíron con máis ambición no segundo tempo e gañaron cun gol de Daniel Muñoz
Pau Cubarsí converteuse no segundo xogador máis novo que debuta coa selección española
A selección española perdeu por 1-0 diante de Colombia nun dos dous amigables que vai xogar nesta xanela internacional pola que se para a Liga. De pouco valeu un partido no que descansaron moitos dos teóricos titulares, máis enfocados no partido que xogarán o martes contra O Brasil.
De La Fuente comezou o partido con: Raya, Pedro Porro, Vivian, Laporte, Grimaldo, Zubimendi, Merino, Sarabia, Gerard Moreno, Oyarzábal e Joselu. Moitas probas para ver xogadores que están en dúbida de entrar na lista definitiva para a Eurocopa deste verán. O primeiro tempo deixounos o dominio de España pero pouco fútbol e escasas ocasións nambalas dúas porterías. Só hai que destacar un remate de cabeza de Vivian a centro de Grimaldo.
A entrada de James Rodríguez deulle un pouco de vida ao partido. O ex xogador do Real Madrid probouno no 59 e dous minutos máis tarde Dani Muñoz marcou un golazo despois dunha xogada do dianteiro do Liverpool Luís Díaz.
⚽️UN AUTÉNTICO GOLAZO para adelantar a Colombia
— Teledeporte (@teledeporte) March 22, 2024
🫡Daniel Múñoz, el primero del partido
??En directo: https://t.co/EjpKZiJy1T pic.twitter.com/l6H8VeDysz
España buscou a reacción e Pedro Porro a piques estivo de acadar o gol do empate. Grimaldo tamén mandou unha falta ao exterior da rede. De La Fuente aproveitou para meter uns minutos a Cubarsí. O central do Barcelona converteuse no segundo xogador máis novo que debuta coa selección española.
