Alertcops, a aplicación que pode salvar vidas
Descárgase de balde e ante unha emerxencia permite contactar con Policía Nacional e Garda Civil
Durante os últimos 12 meses Alertcops atendeu un total de 24.433 situacións de risco
Alertcops recibiu no último ano máis de 150.000 alertas, pero, con todo, aínda segue a ser unha gran descoñecida.
"Nin idea, Alertcops? Non"; "Non pois non, non a coñezo"; "Primeira vez que a escoitamos"; "Quizais terían que anunciala un pouco máis"; "A aplicación está funcionando xa?", comentan varios peregrinos.
Si, dende agosto do 2014
"Pois déronlle pouco bombo, nin na televisión saíu que agora saen anuncios do Ministerio e non anunciaron para nada iso"; "Nós que nos movemos moito por redes sociais, ao mellor algunha publicidade por alí pois houbese estado ben", continúan.
Pois nesas anda tanto a Policía Nacional como a Garda Civil
"Coñeces a aplicación Alertcops? É unha aplicación que se es testemuña ou estás sendo vítima dun delito, permíteche poñerte en contacto coas Forzas e Corpos de Seguridade para que a través dun chat poidas enviarlles tanto vídeos como fotos", conta a Garda Civil nas redes a través dun vídeo.
A descarga é de balde en todos os dispositivos. Tamén recibirán a alerta os contactos que elixamos para sentirnos máis seguros.
"Terás a opción de poder designar un ou varios gardiáns para que sexan eles os que reciban as túas alertas e a localización en que te atopas nese momento".
"Nós ademais sendo novas e mulleres pois cando volvemos á casa igual pola noite pois sempre temos que ir mirando un pouco por detrás a ver se hai luz para sentirnos seguras e sempre estaría ben algún método para avisar se vemos algo", apunta unha rapaza.
"Ademais tes a posibilidade de engadir á túa pantalla de móbil un botón SOS que tan só premendo enviará aos teus gardiáns a túa localización nese momento así como un audio de 10 segundos", informa a Garda Civil.
