Aina Calvo será a nova secretaria de Estado de Seguridade

Aina Calvo, ata o de agora secretaria de Estado de Igualdade e para a Erradicación da Violencia contra as Mulleres, será a número dous do Ministerio do Interior en substitución de Rafael Pérez.

A remuda prodúcese tras a dimisión de Pérez por motivos persoais, que o pasado martes deixou o cargo que ocupaba desde xaneiro de 2020.

Calvo, que era a secretaria de Estado de Igualdade e para a Erradicación da Violencia contra as Mulleres no Ministerio que dirixe Ana Redondo, foi tamén delegada do Goberno nas Baleares e alcaldesa socialista de Palma de Mallorca entre 2007 e 2011.