AGalega estréase co Deportivo-Ponferradina como partido estelar

O Deportivo afronta unha final o domingo ás 19:00 horas diante da Ponferradina. O partido verémolo pola G2 e pola nova plataforma, AGalega. 

Hai dez puntos de diferenza entre os dous equipos a prol dos bercianos, toda unha final para o cadro coruñés que afronta moi necesitado o encontro. Malia a situación clasificatoria Idiakez segue a insistir: "Queda moito en xogo e haberá cambios na clasificación". Comparou o campionato cun maratón, igual que o seu colega Benítez. 

Non desespera á hora de pedir uns reforzos que, de momento, non chegan e demostrou seguir forte e apoiado á fronte do banco.