A batalla do financiamento: a España baleira fronte á das grandes urbes
A batalla do financiamento: a España baleira fronte á das grandes urbes
O modelo de financiamento autónomico leva caducado desde 2014
A ministra de Facenda, María Jesús Montero, mantén o seu compromiso de abrir, antes de que acabe este novembro, o debate sobre o financiamento das comunidades autónomas, un modelo que leva caducado dende 2014. Montero sabe que as negociacións serán complexas. A semana pasada pedíalle ás autonomías "facer un esforzo de renunciar á nosa posición de máximos para aproximarnos a un modelo en que todos gañen".
Antes de sentar a negociar, as comunidades alíñanse en bloques. Por un lado, as oito autonomías reunidas en Santiago, as que teñen menos poboación, dispersa e envellecida.
Por outro lado, o bloque formado pola Comunidade Valenciana, Andalucía e Murcia. Queren que prime o peso da súa poboación.
E, xa por libre, outras tres autonomías: Madrid, Cataluña e Baleares, que piden que se compense a súa singularidade. Casar todos estes intereses será difícil lograr un consenso. Segundo Miguel Vázquez Taín, presidente do Consello Galego de Economistas, "o financiamento autonómico é un puzle de difícil solución" e cre que "vai ser un tema aberto de forma permanente".