Webcams

Cámara web con movemento de 180º situada na azotea do hotel Bahía de Vigo. Obsérvase a ría, a estación marítima, o peirao de transatlánticos, o porto deportivo, o monte da Guía, a avenida de Montero Ríos e, ao fondo, Moaña.

Cámara web situada no aparcadoiro do porto deportivo Xoán Carlos I. Ofrece imaxes da vila, do porto, de Portonovo e da praia de Silgar.

Cámara web situada nunha balconada do Pazo de Raxoi, sede da Presidencia da Xunta de Galicia e do Concello. Á esquerda da imaxe vese o Hostal dos Reis Católicos, á fronte a fachada do Obradoiro da Catedral e á dereita o Colexio de San Xerome.

Cámara web situada na Casa do Deán, na rúa do Vilar. Esta edificación, do século XVIII, acolle hoxe en día a Oficina do Peregrino. A imaxe ofrece unha visión da fachada románica das Praterías, unha das portas de entrada máis sobranceiras da catedral.

Cámara situada no Club Náutico. Obsérvase a praia de Baltar, o porto pesqueiro e o deportivo, o paseo marítimo, o peirao do Chasco e parte do centro urbano da vila.

Cámara web con movemento de 180º situada no Concello de Portomarín. Ofrece imaxes da praza Conde de Fenosa, da igrexa de San Xoán e do Camiño de Santiago.

Cámara web fixa situada no Seminario. Ofrece unha panorámica da cidade atravesada polo río Miño. Obsérvase a ponte do Milenio, a Ponte Vella e as demais pontes que permiten a conexión entre as dúas beiras do río.

Cámara web situada no monte Pedroso. A imaxe renóvase cada trinta segundos e ofrece unha panorámica de Santiago de Compostela en que destacan as torres da catedral.

Cámara web situada no albergue de peregrinos do Cebreiro, no Camiño Francés a Santiago, entre as elevacións dos Ancares, O Capeloso e O Courel. A zona ten unha altitude media aproximada de 1.300 metros.

Cámara web situada en Montefaro, no concello de Ares, desde onde se albiscan as dúas beiras da ría de Ferrol. No centro da imaxe enxérganse os estaleiros de Izar e o barrio de Caranza.