O consello de ministros de Pesca da UE negocia as cotas dos vindeiros anos
O consello de ministros de Pesca da UE negocia as cotas dos vindeiros anos
A xuntanza dos ministros de pesca europeos rematará previsiblemente o martes
O ministro español de Agricultura, Pesca e Alimentación, Luis Planas, preside en Bruxelas o decisivo consello de responsables de Pesca da Unión Europea, que pecha o semestre da presidencia española.
A negociación é vital para os case nove mil buques da frota española
Luis Planas tentará que os 27 ministros comunitarios do sector cheguen a un acordo sobre as cotas pesqueiras no Atlántico e no Mediterráneo para o ano que vén, vitais para os case nove mil buques da frota española, a maior parte dos cales son galegos.
España propoñerá establecer cotas plurianuais nalgunhas pesqueiras
O ministro dixo que era optimista sobre os resultados dunha reunión, que rematará o martes próximo e na que poderían fixar por primeira vez cotas plurianuais nalgunhas pesqueiras.
En Bruxelas estaban tamén os representantes da Xunta. O titular da consellería do Mar dixo que hai que aproveitar a presidencia rotatoria da Unión Europea para conseguir máis cotas para a nosa frota.
A Xunta pide a declaración de zona catastrófica para as rías afectadas pola mortaldade do marisco
Alfonso Villares reiterou na capital comunitaria a petición da declaración de zona catastrófica para as rías galegas afectadas pola mortaldade do marisco.
.jpg)
