Dous detidos no atraco dun banco en Vigo

Dous homes foron detidos este venres no atraco a un banco en Vigo. Os ladróns presentáronse coa cara tapada con medias e lentes na oficina de Abanca situada na rúa Ricardo Mella da cidade.

No momento do asalto había tres persoas no interior da sucursal que, afortunadamente, non sufriron danos. A Polícía Nacional puido deter os ladróns cando marchaban co botín e recuperar o diñeiro.

Ademais, a un dos detidos os axentes intervíronlle un arma de fogo e a outro, un coitelo.