Unai Núñez: "A reacción da afección é unha pasada"
Unai Núñez: "A reacción da afección é unha pasada"
Destacou a importancia de Aspas para o equipo
O central do Celta, Unai Núñez, pasou este xoves por sala de prensa dous días antes da partida fronte ao Barcelona en que os vigueses xogan a permanencia en Primeira. Comezou agradecendo o apoio do celtismo:
"A reacción da afección é unha pasada. Van dar máis forza para saír co 1.000 % para afrontar o partido e gañalo".
Subliña que teñen que estar centrados e que perciben que a afección tamén o está:
"Sabemos a situación na que estamos. Estamos coa atención posta no partido, sabendo que temos que gañar, e imos ir con todo para darlle unha alegría á afección".
Tamén respondeu sobre que significa o moañés para o equipo:
"Todo o mundo sabe da calidade de Iago. Estivo con problemas físicos nos últimos partidos e cando xoga, claro que dá un cambio ao equipo á hora de xogar, a visualización que ten en moitos momentos do partido. Claro que nos axuda. Estamos todos para achegar, cada un coas súas virtude".
