Un raio provoca un incendio forestal preto de dúas aldeas en Boborás
Preocupa a súa situación, na zona alta da montaña, xa que se está a estender cara as poboaciós da Fenteira e Sonelle
Imaxe cedida polo concello de Boborás
O concello de Boborás informou dun incendio causado por un raio na parroquia de Moreiras. Os medios de aéreos xa están actuando para a súa extinción na zona entre O Gabián e Becoña.
O lume inicouse sobre as 22:00 horas do sábado. Segundo traslada a consellería do Medio Rural, para a súa extinción mobilizáronse 2 técnicos, 4 axentes, 8 brigadas, 5 motobombas, 2 unidades técnicas de apoio, 4 helicópteros e 4 avións.
ACTIVO un incendio forestal no concello ourensán de Boborás, parroquia de Moreiras, que segundo as últimas estimacións provisionais afecta arredor de 20 hectáreas. #IFMoreirasBoborás
— incendios 085 (@incendios085) June 14, 2026
Están asignados dous avións anfibios Foca, dous avións con base en Beariz e helicópteros procedentes da base da Merca. A incorporación destes medios resulta especialmente importante pola dificultade do traballo por terra.
Segundo estimacións provisionais, polo de agora, o incendio calcina arredor de 20 hectáreas.
Preocupa a súa situación, na zona alta da montaña, xa que se está a estender cara as poboacións da Fenteira e Sonelle, ambas as dúas pertencentes ao municipio.
O director xeral de Defensa de Montes, Manuel Francisco Guitiérrez, declarou este domingo que polo de agora non hai riesgo para estas aldeas.
