Un incendio nunha casa da zona vella da Guarda fai saltar as alarmas

Un incendio declarouse na tarde deste venres nunha casa abandonada na zona vella da Guarda. O inmoble está no número 7 da rúa do Muro. 

Por sorte, a casa está abandonada e non había persoas no seu interior.

Pero o interior do edificio é de madeira e o lume adquiriu gran virulencia.

Por iso se temía que puidera estenderse a outras vivendas da zona.

Para evitar danos persoais, recomendouse a veciños dun edificio anexo non entrar á súa vivenda.

O lume provocou unha gran columna de fume visible en todo o municipio. 

Na extinción traballaron os bombeiros de Vigo e do Porriño.