Cargando resultados...
Un gol de Yelko no engadido lanza o Coruxo cara á permanencia
O Oviedo Vetusta puxo unha férrea resistencia, que non saltou ata o minuto 92'
O Coruxo colle unha renda de tres puntos sobre o descenso
G24.gal
30/04/2023 21:24
O Coruxo colleu aire na loita pola salvación cun agónico triunfo sobre o Oviedo Vetusta. Unha vitoria que non se xestou ata o minuto noventa e dous. Foi entón, cando o empate inicial xa parecía inamovible, cando Yelko aproveitou unha acción iniciada nun saque de banda pola dereita para rematar ao fondo da rede e desatar a tolemia no Vao.
Non era para menos. O Coruxo suma agora 44 puntos, tres máis dos que teñen os seus rivais implicados na loita pola salvación. Quedan so dúas xornadas, e o equipo de Maté e Otero depende de si mesmo para seguir outro ano na Segunda Federación.
