Continúa o calvario do Celta lonxe de Balaídos (2-1)
O gol de Pablo Durán non foi dabondo para que os vigueses foran quen de puntuar en Mestalla
Luis Rioja e Javi Guerra foron os goleadores dos locais nunha vitoria clave na loita pola permanencia
Minuto a minuto
O Celta (25 puntos) visita o campo dun Valencia (16 puntos) que está nunha situación crítica, a sete puntos da salvación. Un partido no que pode afundir o seu rival. Pero as baixas condicionan o partido para Claudio Giráldez. Sen Aspas, Marcos Alonso, Mingueza ou Hugo Álvarez o do Porriño terá que facer malabarismos para completar o once inicial. Iker Losada entrou na lista de convocados.
Equipo do Celta!!!! Con Cervi no carreiro esquerdo. Durán, Borja Iglesias e Williot na dianteira.
Velaquí o equipo do Valencia
Comeza o partido en Mestalla!!!
Celta e Valencia disputan o balón con intensidade nestes primeiros minutos de xogo
Primeiro achegamento perigoso do Valencia en área rival
Tívoa Borja Iglesias na máis clara do encontro ata o momento. O dianteiro do Celta remata un balón que estivo a piques de entrar.
Balón aéreo perigoso que atalla Guaita sen complicacións
Outro remate para o Celta, que de momento está chegando con máis éxito á área rival
Gol anulado ao Valencia por falta previa de Hugo Duro
Volve tela o Celta cun remate que vai por riba da portería do Valencia
Centro perigoso do Celta solucionado sen problemas polo conxunto ché
Falla Hugo Duro un remate de cabeza a queimarroupa que foi por riba da portería de Guaita
GOL DO VALENCIA. Anota Luis Rioja no último treito da primeira metade. Un excelso centro de Javi Guerra permitiulle rematar a pracer batendo a Guaita con facildade.
Final da primeira metade en Mestalla. Valencia 1-0 Celta.
Xa volve rodar a bóla en Mestalla. Arrinca a segunda metade!!!
Cortada sen problemas polo Valencia a rápida internada dos de Vigo
Primeiros movementos no banco do Celta. Sae Damián por Fran Beltrán e Borja Iglesias por Alfonso González.
Volve tela o Celta cun remate dende fóra da área repelido por Mamardashvili.
Centro perigoso do Valencia que se complicou para Guaita que consegue bloqueala en dous tempos.
GOOOOOL DO CELTA!!! Anota Pablo Durán para os vigueses poñendo as táboas no marcador. Valencia 1-1 Celta.
Cartón amarelo para Ilaix Moriba, que derivou nunha falta perigosa para o Valencia
GOL DO VALENCIA. Volven tomar vantaxe os valencianistas co gol de Javi Guerra. Valencia 2-1 Celta.
Achegouse con perigo o Valencia, pero cortou ben a defensa do Celta.
Centro bloqueado sen problemas por Mamardashvili
Sae a córner un erro da defensa do Celta que a piques estivo de entrar.
Tivoa o Valencia para sentenciar nun remate que se foi a saque de curruncho
Tivoa Diakhaby para sentenciar cun remate a queimarroupa repelido por Guaita
FINAL EN MESTALLA. O Celta non foi quen de puntuar fóra da casa. Valencia 2-1 Celta.
