Retómase a construción dunha promoción que levaba 17 anos abandonada en Barreiros

Os veciños de Barreiros levan décadas convivindo con esqueletos de edificios que, por mor da crise, quedaron sen rematar. Un exemplo téñeno os que viven en San Miguel de Reinante. A obra detívose en 2009, cando xa estaban vendidas 69 das 71 vivendas. Agora, os veciños empezan a ver algo de movemento.

"Leva moitos anos parado, pero agora comprárono e van empezar a traballar no edificio, xa puxeron os carteis. Esta semana xa viñeron a rozar", comentan varias veciñas.

A empresa Ponsar Desarrollos traballa para poder entregar os primeiros pisos xa neste ano. 71 vivendas de dous cuartos a partir de 90.000 euros. Os veciños xa viron os primeiros interesados.

"Vén xente mirar, normal. É unha zona marabillosa e a xente escapa para o norte. Onde van estar mellor que aquí", comenta outro veciño.

Pisos con cociña amoblada, garaxe e rocho para converter un esqueleto do boom en vivendas habitadas.