Xuíces e fiscais pídenlle a García Ortiz que non asista á apertura do ano xudicial
Feijóo non asistirá en protesta polo procesamento de García Ortiz: "Someter o rei a que presencie este choque institucional sen precedente é un erro que non avalarei coa miña presenza"
O presidente do Partido Popular alega que acudirá, xunto a Díaz Ayuso, á inauguración do curso político do PP de Madrid
Alejandro Martínez Vélez/Europa Press
As dúas asociacións maioritarias de xuíces e fiscais e unha terceira destes últimos pediron ao fiscal xeral do Estado, Álvaro García Ortiz, investigado por suposta revelación se secretos, que "se absteña de asistir" este venres ao acto de apertura do ano xudicial "por respecto o rei", que o presidirá.
Así o solicitan nun comunicado conxunto a Asociación Profesional de la Magistratura (APM), a Asociación de Fiscales (AF) e a Asociación Profesional e Independiente de Fiscales (APIF).
"Sentar xunto o rei e ante o poder xudicial unha persoa contra a que se acordou a incoación dun procedemento abreviado en virtude de resolución firme e cando con toda probabilidade abrirase xuízo oral é un feito insólito que constitúe un acto de desprezo aos principios básicos do Estado de dereito e ao propio xefe do Estado", indican.
As asociacións aclaran que respectan a presunción de inocencia de Álvaro García Ortiz pero estiman que "o respecto ás institucións e ao que representan está por riba dos intereses particulares dos servidores públicos".
"Por iso desde aquí queremos solicitar ao fiscal xeral do Estado que por respecto ao rei e a quen integro as carreiras xudicial e fiscal se absteña de asistir ao acto solemne de apertura do Ano Xudicial", conclúe o comunicado.
Feijóo non acudirá
O líder do PP Alberto Núñez Feijóo confirmou este xoves que non acudirá á apertura do ano xudicial porque non quere avalar coa súa presenza a intervención do fiscal xeral Álvaro García Ortiz fronte ao rei Filipe VI.
"Someter o rei a que presencie este choque institucional sen precedente é un erro que non avalarei coa miña presenza", apuntou o presidente do Partido Popular a través dunha mensaxe en X.
Quien mancha la apertura del año judicial es Sánchez atacando a jueces y un fiscal general procesado que se empeña en intervenir ante el Supremo que le investiga.
— Alberto Núñez Feijóo (@NunezFeijoo) September 4, 2025
Someter al Rey a que presencie este choque institucional sin precedente es un error que no avalaré con mi…
O PP publicou o mércores un comunicado no que alegou que Feijóo non iría ao acto que se celebrará este venres, presidido polo rei, por un compromiso previamente adquirido: acompañar a presidenta da Comunidade de Madrid Isabel Díaz Ayuso á inauguración do curso político do PP de Madrid.
O comunicado aludía exclusivamente ao mencionado compromiso, pero dedicaba con todo varios parágrafos a falar do fiscal e das reviravoltas xudiciais que afectan o presidente do Goberno Pedro Sánchez.
Na mensaxe de X deste xoves, Feijóo, quen si acudiu os anos anteriores a este acto, mostrouse máis claro ao vincular directamente a súa presenza coa intervención do fiscal xeral do Estado no Tribunal Supremo, que recentemente confirmou o seu procesamento, que o sitúa ás portas do xuízo.
Feijóo acusou Sánchez, de manchar a apertura do ano xudicial atacando xuíces e coa presenza dun fiscal xeral procesado que se empeña en intervir ante o Supremo que o investiga.
