O plan de futuro do Celta pasa por Claudio Giráldez
O adestrador terá que decidir nas vindeiras datas se acepta a oferta de renovación do club
Claudio pasou por todas as categorías inferiores do Celta
Un mes despois de facerse cargo do primeiro equipo, Claudio Giráldez estuda a proposta para seguir sendo adestrador do Celta máis alá do 30 de xuño. O director deportivo Marco Garcés revelou este mércores que o club quere que siga a próxima temporada, en primeira ou en segunda.
Coa presenza da presidenta Marian Mouriño, Garcés presentou o novo organigrama futbolístico do club e os seus responsables. Pretenden que todas as categorías xoguen coa mesma idea e facilitar o salto de xuvenil ó primeiro equipo.
Como consecuencia non se vai renovar o acordo de filiación co Gran Peña (o Celta C) En cambio vaise reforzar a captación de xogadores en Galicia e fóra. Todo para que siga fluíndo a savia celeste á Primeira División.
