O Ourense tira da épica para superar a Unionistas

O Ourense asinou o terceiro triunfo consecutivo na liga antes de recibir o Xirona na Copa, nunha tarde inesquecible no Couto. A tarde comezou ben e acabou mellor. 

Logo dunha falta botada desde o costado esquerdo chegou o un a cero. Foi obra de Piera, no minuto 53, logo dunha primeira metade sen goles houbo sete na segunda. Empatou Abde dez minutos despois, tirando proveito dunha contra ben levada pola dereita do ataque de Unionistas. Remate cruzado e preciso que superou a Álvaro. E os charros fixeron tolear o choque a 20 do final co gol de De la Nava. O un a dous. 

Xa no treito final do encontro penalti a prol do Ourense por unha labazada. Jerín, desde os once metros, no minuto 89, recolocaba as táboas batendo a Unai Marino e semellaba que así acabaría todo, pero no engadido habería tres goles máis. O de Aimane en propia porta no minuto 96, nunha acción incríble na que a pelota sobrevoa o ceo ourensán para descontrolar ao xogador local na súa cacholada cara a súa propia portería e a Álvaro, que  non pode deter ese balón chovido. E o de Hugo Sanz, logo dunha acción embarullada na área charra, aparece Hugo para facer o que sería o tres a tres, o tanto que que volvía a semellar dar co resultado definitivo no 99.

Pero tras 12 de tempo suplementario apareceu novamente Hugo Sanz para maraca-lo definitivo catro a tres, que facía ferver a bancada e deixaba aos ourensáns con 18 puntos, na zona morna da táboa clasificatoria.

Unionistas logo de marcar tres goles, marchou de baleiro do Couto.