O Celta afrontará o final do maratón sen o adestrador "dun proxecto a longo prazo"
Benítez empregou as dúas metáforas ao longo dos oito meses que estivo en Vigo agardando que os resultados chegasen
A afección perdera a confianza no adestrador e dentro do cadro de xogadores tamén había voces críticas co estilo de xogo
Verán de 2023, ano do Centenario. Rafa Benítez chega o Celta co seu prestixio para dirixir un proxecto ilusionante, pero coa cautela de que mandan os resultados. Benítez implícase no Centenario, é testemuña da remuda na presidencia, pero o equipo non arranca. As polémicas do VAR complican as xornadas iniciais. E despois vai asomando un equipo por veces cativo, coa máxima expresión na eliminación da Copa do Rei en Balaídos.
Opta pola suplencia de Aspas en varios partidos, e o capitán responde en Xetafe cuestionando o estilo. De 28 xornadas, o Celta estivo en descenso en 14. Marian Mouriño estreouse na presidencia defendendo o seu técnico. O director deportivo Marco Garcés, que chegou despois de Benítez, negaba que o custo económico complicase a destitución.
O empate en Cádiz foi outra mostra da inconsistencia do equipo, que colleu aire coa vitoria contra o Almeria. A metáfora do maratón dominou o seu discurso toda a temporada. O Celta buscará a liña de meta sen Benítez.
