Nova actuación policial contra os 'okupas' na Coruña
É o terceiro desaloxo dunha vivenda ocupada ilegalmente en apenas unha semana
A veciñanza do barrio do Peruleiro estaba farta de convivir cos okupas nesta zona. A inseguridade e as queixas pola súa falta de respecto ás normas comúns de convivencia eran continuas. Tras esta nova intervención policial, agardan poder vivir máis tranquilos.
Esta nova desocupación semella unha máis na clara tendencia alcista destas actuacións na Coruña. A presión veciñal e institucional está a provocar un aumento significativo das operacións policiais contra os okupas.
A pasada semana foron polo menos dúas as intervencións na zona da Ronda de Nelle e nos Mallos, sen dúbida un dos barrios coruñeses máis afectados por este fenómeno que preocupa, sobre todo, os que conviven con el diariamente.
