Mostovoi pasa pola Radio Galega despois de sacar o título de adestrador

Foi a bandeira do mellor Celta da historia e este domingo pasou polo Galicia en goles da Radio Galega para contarnos que xa é adestrador. Coas ideas claras. Mostovoi chanceou co feixe de chamadas que está a recibir. Mesmo do Deportivo. E tamén falou do Celta. O que ve con opcións europeas e o que lle virían ben tres fichaxes. Un central, un mediocentro e, sobre todo, un punta. O ruso acabou por confesarnos que agora practica hóckey xeo e que aí, mesmo xogou contra Putin... Quen gañou? Por suposto, o presidente de Rusia. Ás veces non chega con ser Tsar.