Mensaxe de Soriano á canteira: "A porta está aberta e queremos xente que a empurre"

Na súa primeira aparición diante dos medios de comunicación Fernando Soriano, director deportivo do cadro coruñés, dixo que ía ser un proxecto baseado nos xogadores de Abegondo e citou varios nomes: Martín Ochoa, Barcia, Mella, Yeremay, Diego Gómez, etc. 

Pero á hora da verdade hai algún deles que apenas está aparecendo co primeiro equipo nos amigables. Un deles é David Mella. A Soriano preguntóuselle polo santiagués, pero deu unha resposta que colle a todos eles: "A porta está medio aberta, pero queremos xente que a empurre de verdade. Van a ter as súas oportunidades, cada adestramento teñen que facernos ver que queren e que poden". 

Presentación de José Ángel

Soriano estivo a carón de José Ángel Jurado na súa presentación como xogador do Deportivo. O centrocampista sevillano será unha peza importante no esquema dos de Idiákez. Ten que impoñer a súa calidade e experiencia que lle deron as seis temporadas que xogou en Segunda co Almería, Cartaxena, Alcorcón e Tenerife.