Jonathan Barreiro : "É un privilexio traballar con Scariolo"
Jonathan Barreiro : "É un privilexio traballar con Scariolo"
O de Cerceda é o único xogador galego na convocatoria da selección española
O venres ante Macedonia e o luns ante Xeorxia comezan a fase de clasificación para o mundial de 2023
O xogador do Unicaja non pon límites a súa progresión e espera seguir crecendo no conxunto andaluz
A selección española de baloncesto xa está concentrada en Guadalaxara onde prepara os primeiros partidos clasificatorios para o mundial de 2023. E na citación de Sergio Scariolo un xogador galego, Jonathan Barreiro , que onte xogou 'Ao contraataque':
"Moi contento de representar a Galicia nesta convocatoria. Sempre é importante que conten con un, significa que estamos facendo un bo traballo no noso club. Para min é unha motivación extra. É un privilexio traballar con Sergio Scariolo. É un soño que ó principio semellaba que estaba moi lonxe e que con traballo puiden acadar"
Un Jonathan Barreiro que tamén valorou a situación dos equipos galegos da liga ACB:
"O Obradoiro xa o coñecemos todos. Moncho sempre fai moi boas fichaxes con xogadores que sempre se revalorizan tras xogar aí. E o Breogán é o equipo revelación da ACB. Espero que se recuperen da COVID o antes e o mellor posible e que sigan con ese bo traballo que están facendo"