Iago Aspas: "Teño moitas esperanzas de ir ao Mundial"

Iago Aspas, dianteiro do Celta, declarou este mércores que ten "moitísimas esperanzas" postas en poder estar na lista de convocados por Luís Enrique  para o Mundial de Catar aínda que admitiu que "o futuro dirá" se está entre os elixidos.

Aspas foi internacional coa selección española en 18 ocasións, a última vez o 7 de xuño de 2019 contra as Illas Feroe.

"Esperanzas teño moitísimas (en ir ao Mundial). Trato de facelo o mellor posible, marcar goles, axudar a gañar ao equipo e o futuro dirá se estou nesa lista ou non", dixo Aspas, ao recibir o premio Zarra ao máximo goleador da liga Santander da pasada tempada.

"Dedícoo aos compañeiros e á miña familia. É un premio seguir tempada tras tempada en Primeira", confesou o dianteiro galego.