Iago Aspas segue batendo rexistros: marcou o seu gol 150 en Primeira División
Marcou diante do Mallorca por segunda xornada consecutiva
Está a dous de chegar á cifra dos 200 coa camisola do Celta
Unha derrota nos últimos nove partidos. O Celta de Benítez cobra forma. Con silueta de equipo sólido, rochoso, competitivo. Con prioridade para o aspecto defensivo. En Mallorca marcou ao pouco de arrancar, ás nove minutos. Golazo de Aspas. E logo tocou defender.
Un gol máis na conta de Aspas que fan xa 150 en Primeira. Quen llo ía dicir a aquel rapaz que soñaba con "marcar algún goliño para o Celta". A aquel que en outubro de 2012 marcou ante Osasuna o seu primeiro gol co Celta en Primeira, que rápido gañou o cariño de Moaña e logo a todo o celtismo.
Que foi internacional e se fartou de gañar o Zarra. E que once anos despois os seus goles están no máis alto, por riba de Hermidita. E a súa lenda eclipsa mesmo o seu ídolo de sempre, Alexander Mostovoi.
