Giráldez garante un mellor entendemento entre o Celta e o filial

Esta fin de semana comeza a temporada para o filial celeste. Os de Claudio Giráldez reciben o domingo en Barreiro ao San Sebastián de los Reyes. E coa chegada do novo adestrador chega tamén un cambio de filosofía importante: apostar pola canteira.

Ademais semella haber mellor entendemento entre Coudet e o técnico do filial. Claudio Giráldez ten claro que os xogadores non poden verse prexudicados sen xogar por adestrar co primeiro equipo. Os que non entren na lista de Coudet, xogarán co Celta B.