Galicia será a sede da fase de ascenso á Segunda División
A Federación Española elixiu por unanimidade a proposta realizada pola Federación Galega
Alacante acollerá a fase de ascenso a Primeira Federación, en que tamén pode haber varios equipos galegos
Galicia vai ser a sede dos play-off de ascenso á Segunda División. Adiantabamos o outro día que a Federación Galega solicitárao, e hoxe soubemos que a promoción xogarase aquí.
Oito equipos xogarán as dúas roldas eliminatorias para acceder ao fútbol profesional. Aínda non están decidios que estadios serán sede. Riazor e A Malata son da partida, e o Anxo Carro, Vero Boquete e Pasarón tamén podería albergar partidos.
A fase de ascenso á Primeira Federación, en que agora mesmo hai tres equipos galegos (Pontevedra, Bergantiños e Compostela) celebrarase en Alacante, sede elixida no mesmo acto.
