Aspas despide ao grande a bancada de Gol e consolida a liña ascendente do Celta
Un penalti transformado polo xogador de Moaña permítelle derrotar o Osasuna, co que iguala a 32 puntos
O equipo de Giráldez é o terceiro mellor local da Primeira, con 26 puntos
Minuto a minuto
O Celta ten unha gran oportunidade para engancharse aos postos que dan acceso a Europa. É 14º con 29 puntos pero a só tres do oitavo clasificado, un Betis que está empatado a puntos co rival desta noite, o Osasuna. O cadro vigués chega nun bo momento despois de gañarlle ao Betis e empatar no Metropolitano. O Osasuna encadea cinco xornadas sen perder aínda que catro deses partidos remataron en empate.
Xa temos as aliñacións do partido. Tres cambios no equipo titular do Celta. Saen Carlos Domínguez, Beltrán e Pablo Durán para que entren Mingueza, Moriba e Borja Iglesias
Ás 21:00 xoga o @RCCelta
— En Xogo tvG2 (@EnXogo_tvG2) February 21, 2025
🆚 @Osasuna
🏟️ Balaídos
📻 Podedes escoitar o partido en https://t.co/Xw5xoRTUH1
📲 Ou seguir o noso minuto a minuto en G24 https://t.co/i248upyd64 onde teredes o 1º resumo pic.twitter.com/qBEMInblns
Homenaxe de Balaídos a Álex López. O ferrolán estivo no equipo do Celta que volveu á Primeira División
Comeza o partido en Balaídos!!!!
Primeiro aviso do Osasuna. Despois dun córner acaba rematando Budimir desviado
Ocasión de Bryan Zaragoza, fóra.
Córner a favor do Osasuna. O balón sae despois e tocar en Sotelo. Piden man. O árbitro di que non hai nada
Remata fóra Ilaix Moriba asistido por Fer López
Remate cruzado de Bryan Zaragoza que se vai fóra por pouco. Segue chegando máis o Osasuna
Chega o Celta despois dunha boa xogada combinativa. Centrou Carreira pero non atopou rematador
Centra Marcos Alonso e chapa Sergio Herrera. Tenta sacar o porteiro e a falta de Fer López cústalle o cartón amarelo
Borja Iglesias quéixase dun golpe na faciana de Catena xusto na frontal da área. O colexiado non asubía nada
Mingueza!!!! O seu tiro cruzado acabou na man de Sergio Herrera
Segundo tempo en xogo. Sen trocos no Celta
O primeiro intento do segundo tempo é de Bryan Zaragoza cun remate que marcha á dereita de Guaita
Remate moi forzado de Borja Iglesias que se vai un pouco alto
Agora é Williot o que proba o remate e salva Sergio Herrera
Falla Williot un man a man con Sergio Herrera!!! A xogada estaba anulada por fóra de xogo
Xa temos no campo a Iago Aspas no lugar de Fer López!!!
1-0 GOOOOOOOL DE IAGO ASPAS. Penalti sobre Borja Iglesias cometido por Torró e o de Moaña non perdoa. Tardou 4 minutos en marcar!!!
Beltrán e Durán ao campo no lugar de Sotelo e Borja Iglesias
Combinan Aspas e Carreira e o disparo do capitán marcha alto
Ao campo Iker Losada e Jailson. Marchan Williot e Mingueza.
Gran parada de Guaita a remate de Arnaiz!!!!
Final en Balaídos. Un gol de Aspas permítelle ao Celta sumar o segundo triunfo como local e igualar co Osasuna con 32 puntos
.png)
