Coruxo e Deportivo non teñen tino cara á portería contraria (0-0)

Coruxo e Deportivo empataron sen goles nun amigable xogado no campo do Vao. Unha tarde marcada pola forte calor en que ningún dos dous equipos conseguiu estar atinado cara á portería contraria. 

Nun primeiro tempo con escasos achegamentos hai que salientar un remate de Andriu para os locais e outro de Zalazar para o cadro deportivista. 

Cos trocos mellorou o partido para o Deportivo que tivo un par de ocasións claras para resolver no segundo tempo. Lucas Pérez e Martín Ochoa foron os que tiveron o gol nas súas botas.