Colau, citada como investigada por supostas presións a un fondo de investimento
Colau, citada como investigada por supostas presións a un fondo de investimento
Investigan se cometeu delitos de coacción e prevaricación ao sancionar o fondo de inversión Vauras por tentar desafiuzar unha familia vulnerable sen ofrecerlles alugueiro social
A alcaldesa de Barcelona, Ada Colau, deberá comparecer a finais de marzo como imputada ante a xuíza que investiga se cometeu os delitos de coaccións e prevaricación ao sancionar ao fondo de inversión Vauras por tentar un desafiuzamento a unha familia vulnerable sen ofrecerlles antes alugueiro social.
Tamén están citados a declarar como investigados o concelleiro do distrito de Sants-Montjuïc e de Dereitos da Cidadanía e Participación, Marc Serra, a concelleira de Vivenda e Rehabilitación, Lucía Martín, e a xefa da Unidade de Antiacoso e Disciplina de Vivenda do Concello.
A xuíza titular do Xulgado de Instrución número 18 de Barcelona investiga a querela de Vauras Investiments en que se acusa a Colau e outros tres denunciados de meterlles presión para forzalos a destinar inmobles da súa propiedade a alugueiro social baixo a ameaza de non concederlles licenzas de obras.
