Claudio Giráldez: "Non estamos tendo a continuidade no xogo que nos gustaría"
O Celta quere rachar ante o Español coa mala xeira na Liga na casa
O técnico laiouse amáis da desmedida esixencia que ten o equipo
O adestrador do Celta pasou este mediodía pola sala de prensa para repasar a actualidade do equipo antes de enfrontarse este domingo (18:30 hs) o Español no estadio de Balaídos. Claudio Giráldez confesou que lles está "a faltar continuidade" e que sinte que, ás veces, "hai unha esixencia desmedida co xogo do equipo".
O técnico do Porriño confirmou que recupera para este partido a Fran Beltrán e insistiu amáis na dificultade do Español, un equipo que sabe correr e que é difícil defender.
O Celta chega a este partido despois de perder o xoves na Europa League en Bulgaría e faino disposto a acabar coa mala xeira que arrastra esta campaña como local na Liga, onde aínda non gañou partido.
