Beltrán, á TVG: "Os árbitros están xogando coa nosa posición na táboa e co noso futuro"

Antes de recibir a visita do Xetafe, Fran Beltrán atendeu en Afouteza a Televisión de Galicia. O mediocentro, indiscutible ata o de agora para Rafa Benítez, está preocupado polas actuacións arbitrais pero con moito respecto á hora de dicir o que pensa.

"Falar dos árbitros é difícil, poden sancionarte. O árbitro, ás veces, ten que prevalecer sobre unha imaxe a cámara lenta".

Tamén falou Fran Beltrán sobre a posibilidade de incorporar un xogador no mercado invernal para a súa posición. Malia a competencia, o madrileño considera que "pode virnos ben. Sempre é bo que veña xente de nivel. Cando estaba Lobotka aprendía del".