Antiviolencia propón sancionar dez seareiros que estiveron no Deportivo-Málaga
Só se especifica que cinco deles pertencen ao Deportivo e outros tres ao Málaga
As multas van desde os 4.000 ata os 1.500 euros
A Comisión Antiviolencia fixo públicas as súas propostas de sanción logo dos graves incidentes acontecidos na previa do partido que enfrontou en Riazor a Deportivo e Málaga. Piden multas de 4.000 euros e prohibición de acceso aos recintos deportivos por un período de 12 meses a dous seareiros do partido, sen especificar a que equipo pertencen.
Tamén propuxeron multas de 3.001 euros e prohibición de acceso aos recintos deportivos durante seis meses a tres afeccionados do Deportivo e outros tres do Málaga polo "lanzamento de obxectos contundentes contra os afeccionados rivais e contra a policía".
Outros dous seareiros que acudiron a ese partido recibiron proposta de sanción de 1.500 euros e prohibición de tres meses de acceso a recintos deportivos.
