A néboa e o vento obrigan a desviar sete avións no aeroporto de Santiago

A néboa e o vento no aeroporto de Santiago durante a serán do pasado martes obrigaron a desviar un total de sete voos que acabaron no Porto, Vigo e A Coruña.

Segundo informa Aena, "a meteoroloxía adversa", unha combinación de néboa e vento, provocou estes desvíos que tiñan como destino a terminal compostelá Rosalía de Castro-A Lavacolla entre as 19:00 e as 23:00 horas deste martes.

Ao Porto foron desviados dous voos procedentes de Palma de Mallorca (Vueling) e Dublín (Ryanair); a Vigo foron tres voos de Vueling procedentes de Londres, Sevilla e Barcelona e un de Edelweiss que partira de Zúric; e no aeroporto coruñés de Alvedro aterrou un avión procedente de Madrid (Air Nostrum).