A internacional Carolina Mendes marca o gol da vitoria do Braga en Abegondo

En Abegondo, o Deportivo Abanca xogou ante o Braga portugués. Segundo partido de pretemporada para o equipo de Irene Ferreras, que caeu derrotado pola mínima (0-1).

O Braga, da primeira división lusa, levou o triunfo cun gol no segundo tempo. Logo dun erro na saída de balón do equipo coruñés, marcou Carolina Mendes cun excelente disparo. Mendes vén de participar no Mundial coa selección portuguesa.