O xihadista detido en Xirona quería atentar contra membros do Goberno
O xihadista detido en Xirona quería atentar contra membros do Goberno
Segundo o acto de prisión, buscaba un "obxectivo individual accesible" asociado ao goberno español ou ao marroquí
O presunto xihadista detido este mércores en Xirona, un mozo de 26 anos de orixe marroquí, manifestara en diversos grupos de propaganda a prol do Dáesh a súa pretensión de atentar en España contra algún "obxectivo individual accesible asociado aos gobernos español ou marroquí ou ben a intereses xudeus".
Así consta no auto de prisión comunicada e sen fianza, ao que tivo acceso EFE, que ditou este venres o titular do xulgado central de instrución número 2 da Audiencia Nacional, Ismael Moreno, sobre Fath Allah Benhachem Grarrass, con nacionalidade española.
Segundo o auto, Benhachem, considerado "un risco potencial para a seguridade", participaba en foros de propaganda do Dáesh e en aplicacións de Telegram.
As forzas de seguridade constatan que o detido, "de carácter inestable, reactivo e violento", interesouse pola elaboración de substancias explosivas e a compra de armas brancas na chamada Internet profunda para a comisión dun potencial atentado nas praias de Benidorm".
No rexistro do seu domicilio localizouse unha silueta de práctica de tiro con 7 impactos e 6 vaíñas de munición de arma de fogo curta que corresponderían a dúas armas distintas, aínda que non se atopou ningunha na inspección.
