Denuncian problemas de convivencia cunha familia conflitiva nun edificio de Lugo
Os afectados piden medidas xudiciais que os libren do que cualifican de calvario
Sinalan que os veciños molestos xa foran expulsados da súa anterior vivenda
Ruídos, golpes, berros, insultos ou ameazas son algunhas das molestias que aseguran padecer a diario os residentes nun edificio da rúa Serra Gañidoira, en Lugo, a causa dunha familia conflitiva.
Sinalan que levan así preto de dúas décadas e que a situación empeorou este ano, polo que se fixeron aínda máis frecuentes as queixas á policía ou as denuncias no xulgado. Tanto é así que incluso os veciños dos inmobles lindeiros afirman que lles fan a vida imposible.
Para lle pór freo ao seu incivismo, a comunidade mesmo tivo que instalar cámaras de videovixilancia nas zonas comúns. E tras as últimas denuncias, a desesperación dos afectados levounos a pedir que os veciños conflitivos sexan desafiuzados pola vía xudicial.
Segundo sinalan os afectados, os veciños molestos xa foran expulsados da súa anterior vivenda por feitos similares.
