Manzanara esquece o erro do Eldense: "Esconderse non serve para nada"

Coa dúbida de Jon García prepara o Rácing a visita do Andorra, equipo que foi un dos de Segunda División que caeu na Copa. Outro xogador que agarda o partido con impaciencia é Fran Manzanara. Hai quince días da acción desafortunada de Manzanara diante do Eldense que evitou o triunfo do Rácing.

O centrocampista, que se apunta a xogar ata de central se non está Jon García tal e como xogou en Marbella, lembrou o momento e, particularmente, o arroupado que se sentiu.