Yolanda Díaz non descarta que España poida entrar en recesión técnica

A vicepresidenta segunda do Goberno, Yolanda Díaz, non descarta que España poida entrar en recesión técnica en función da evolución da economía alemá, pero garante que, de ser así, o Goberno estará a carón dos cidadáns.

A vicepresidenta segunda e ministra de Traballo aseguraba nun podcast: "Podemos entrar no que se chama unha recesión técnica: pode haber pequenos desaxustes que non provoquen unha caída brutal da economía ou do emprego. Pase o que pase, o Goberno vai protexer o tecido produtivo, os traballadores e a cidadanía".