Xa son máis de 25 as persoas mortas tras a riada de auga e lama en Quito

Xa son máis de 25 as persoas mortas tras o torrente de auga e lama que arrasou o norte da capital do Ecuador. 

Os equipos de rescate seguen atopando corpos sen vida entre os cascallos e a lama. As autoridades informaron de que hai media ducia de desaparecidos, pero os veciños alertaron de que a riada levara por diante unhas 40 persoas que nese momento presenciaban un evento deportivo.