Volven os bonos para incentivar as compras no comercio local
Volven os bonos para incentivar as compras no comercio local
Porase en marcha nas próximas semanas e estará operativo ata o 15 de decembro
Os descontos van dos 5 aos 15 euros por compra en función da contía do que merquemos
O ano pasado beneficiáronse desta campaña máis de 230.000 consumidores
Impulsar as vendas no comercio local é o principal obxectivo desta iniciativa en que o ano pasado participaron preto de 6.000 negocios.
O bono poderá decargase no teléfono móbil e permitirá descontos de 5, 10 ou 15 euros en cada compra dependendo da contía daquilo que se merque ata esgotar o saldo de 30 euros.
Poderá usarse ata o 15 de decembro nas compras que se realicen no comercio local porque o obxectivo é dinamizar as vendas no comercio de proximidade. O ano pasado beneficiáronse del máis de 230.000 persoas.
A zapataría de Sandra foi un dos preto de 6.000 negocios que ano pasado participaron na campaña do Bono Activa Comercio. "Encantada porque o calzado bo non é barato e a xente animouse bastante" É unha axuda importante para a xente a para nós tamén", asegura.
Unha axuda tanto para o consumidor como para o comerciante nun momento económico complexo.
Tan só hai que descargar o bono e poderase acceder a descontos que van dende os 5 euros para compras de entre 20 e 30, de 10 se gastamos entre 30 a 50 euros e de 15 para as que suban desa contía ata esgotar o saldo. Poderá gastarse ata o 15 de decembro.
A Xunta conta con mobilizar máis de 17 millóns de euros a través de compras no comercio de proximidade.